A JIHAR KATSINA HUKUMAR HISBAH TA HANA TALLAR DARE

Hisbah a Katsina ta haramta wa ’yan mata talla da daddare

Hukumar Hisbah ta jihar Katsina ta haramta wa ’yan mata sana’ar talla da daddare a faɗin jihar, inda ta bayar da umarnin cewa dole ne su daina talla kafin ƙarfe 10:00 na dare a kowace rana.

Gidan talabijin na Channels ya rawaito cewa Kwamandan hukumar Hisbah ta jihar, Sheikh Saifullahi Yakubu Musa, ne ya bayyana hakan a ranar Talata yayin wani taron manema labarai da aka gudanar a hedikwatar hukumar.